(Local) Fri, 25 Sep, 2020

వరుణ్ తేజ్ జర్ర జర్ర సాంగ్...రచ్చ రచ్చ

August 22, 2019,   4:11 PM IST
Share on:
వరుణ్ తేజ్ జర్ర జర్ర సాంగ్...రచ్చ రచ్చ

హరీష్ శంకర్ దర్శకత్వంలో మెగా వరుణ్ తేజ్ హీరోగా తెరకెక్కుతున్న చిత్రం ‘వాల్మీకి’. కోలీవుడ్ సూప‌ర్ హిట్ మూవీ జిగ‌ర్తాండ‌కి రీమేక్‌గా ఈ చిత్రం తెరకెక్కుతోంది. ఇప్పటికే ఈ మూవీ నుండి రిలీజ్ అయినా పోస్టర్, టీజర్ ని చూస్తుంటే మెగా అభిమానులకి వరుణ్ సరికొత్త లుక్ లో కనువిందు చేయనున్నాడని అర్థం అయింది. తాజాగా ఈ సినిమాకు సంబంధించిన ఓ పాట విడుదలైంది. జర్ర జర్ర అంటూ సాగే ఈ పాటను భాస్కరబట్ల రచించగా.. అనురాగ్ కులకర్ణి, ఉమా నేహ పాడారు.  పక్కా తెలంగాణ యాసలో సాగే ఈ పాటకు అదిరిపోయే ట్యూన్స్ ఇచ్చాడు మిక్కీ. జర్ర జర్ర అచ్చా.. జర్ర జర్ర కచ్చా.. నేనింతే చిచ్చ.. చంద్రుడికైనా లేదా మచ్చ అంటూ సాగిపోయే ఈ పాటకు అదిరిపోయే రెస్పాన్స్ వస్తుంది. డింపుల్ హయతి ఈ పాటలో వరుణ్ తేజ్‌తో కలిసి స్టెప్పులేసింది. ఇక అథర్వ మురళి కూడా ఈ చిత్రంలో కీలక పాత్రలో నటిస్తున్నాడు. మధ్యలో వచ్చిన లిరిక్స్ కూడా పిచ్చెక్కిస్తున్నాయి. మాస్ ప్రేక్షకులను అలరించే పక్కా తెలంగాణ పదాలను ఈ పాటలో వాడేసాడు భాస్కరబట్ల. మయాంక బోస్ ఈ చిత్రానికి సినిమాటోగ్రఫీ అందిస్తున్నాడు. సెప్టెంబర్ 13న విడుదల కానుంది వాల్మీకి. 

సంబంధిత వర్గం
రొమాంటిక్ హీరోకి భార్యగా రమ్యకృష్ణ...
రొమాంటిక్ హీరోకి భార్యగా రమ్యకృష్ణ...

Copyright 2018 - 2020 www.telugudaily24.com. All rights reserved.