(Local) Sat, 06 Mar, 2021

మెగా బ్రదర్ వాయిస్ ఓవ‌ర్‌తో సైరా మేకింగ్ వీడియో..?

August 14, 2019,   12:38 PM IST
Share on:
మెగా బ్రదర్ వాయిస్ ఓవ‌ర్‌తో సైరా మేకింగ్ వీడియో..?

ప్రముఖ స్వాతంత్ర  సమర యోధుడు ఉయ్యాలవాడ నరసింహారెడ్డి జీవితం ఆధారంగా తెరకెక్కిన చిత్రం సైరా నరసింహారెడ్డి. మెగాస్టార్ చిరంజీవికి కెరీర్ లో 151వ చిత్రంగా రూపుదిద్దుకుంటున్న ఈ సినిమాను కొణిదెల ప్రొడక్షన్ బ్యానర్‌పై మెగా వారసుడు రామ్ చరణ్ నిర్మిస్తున్న సంగతి తెలిసిందే. ఈ చిత్ర ఎప్పుడెప్పుడు విడుదలవుతుందా అని మెగా ఫాన్స్ గ‌త కొద్ది రోజులుగా ఎంతో ఆస‌క్తిగా ఎదురు చూస్తున్న సంగ‌తి తెలిసిందే. ఈ రోజు 14వ తేదీన సాయంత్రం 3:45 నిమిషాలకు గంటలకు ‘సైరా’ మేకింగ్ వీడియోను విడుదల చేయనున్నట్లు  కొణిదెల ప్రొడక్షన్ కంపెనీ ప్రకటిస్తూ ఈ మేరకు ట్వీట్ చేసింది. ఉయ్యాలవాడ నరసింహారెడ్డి పాత్రలో చిరంజీవి నడిచొస్తున్నట్టు ఉన్న పోస్టర్‌ను కూడా ట్వీట్‌లో పొందుపరిచింది.  అంతేకాక ఈ వీడియోపై అంత‌టా ఒక ఆస‌క్తిక‌ర చ‌ర్చ జ‌రుగుతుంది. తాజాగా ప‌వ‌న్ క‌ళ్యాణ్ వాయిస్ ఓవ‌ర్‌తో సైరా మేకింగ్ వీడియో ఉంటుంద‌నే వార్త ఒక‌టి సోష‌ల్ మీడియాలో చ‌క్క‌ర్లు కొడుతుంది. అజ్ఞాత‌వాసి చిత్రం త‌ర్వాత సినిమాల‌కి పూర్తిగా దూర‌మైన ప‌వ‌న్ ఇప్పుడు సైరా చిత్రంకి ప‌ని చేయ‌డం సంతోషంగా ఉంద‌ని అభిమానులు అభిప్రాయ‌ప‌డుతున్నారు. మ‌రి ఈ వార్త‌లో ఎంత నిజం ఉంద‌నేది మ‌రి కొద్ది నిమిషాల‌లో తెలియ‌నుంది. చిత్రంలో అమితాబ్ బ‌చ్చ‌న్‌, చిరంజీవి, కిచ్చా సుదీప్, విజ‌య్ సేతుప‌తి, జ‌గ‌ప‌తి బాబు, ర‌వి కిష‌న్‌, న‌య‌న‌తార,త‌మ‌న్నా, నిహారిక ప్ర‌ధాన పాత్ర‌లు పోషిస్తుండ‌గా, సురేంద‌ర్ రెడ్డి చిత్రాన్ని తెర‌కెక్కించారు. అక్టోబ‌ర్ 2న చిత్ర విడుద‌ల‌కి ప్లాన్ చేశారు మూవీ మేక‌ర్స్.

సంబంధిత వర్గం
నిఖిల్‌ కోసం వస్తున్న మెగాస్టార్...
నిఖిల్‌ కోసం వస్తున్న మెగాస్టార్...

Copyright 2018 - 2020 www.telugudaily24.com. All rights reserved.