(Local) Mon, 18 Oct, 2021

వాయిదా ప‌డ్డ విశ్వ నట చక్రవ‌ర్తి విగ్రహావిష్కరణ!

August 24, 2019,   12:53 PM IST
Share on:
వాయిదా ప‌డ్డ విశ్వ నట చక్రవ‌ర్తి విగ్రహావిష్కరణ!

విశ్వ నట చక్రవ‌ర్తి ఎస్వీ రంగారావు నటుడు మాత్రమే కాకుండా రచయితగా, దర్శకుడిగా గా సుప్రసిద్ధుడు. ఎస్వీ రంగారావు దాదాపు మూడు దశాబ్దాలపాటు తెలుగు, తమిళ, కన్నడ, మలయాళ, హిందీ భాషల్లో 300 పైగా చిత్రాల్లో నటించారు. 1946లో వచ్చిన వరూధిని అనే చిత్రం ద్వారా నటుడిగా పరిచయమయ్యారు. ఎస్వీ రంగారావు రావణుడు, హిరణ్య కశిపుడు, ఘటోత్కచుడు, కంసుడు, కీచకుడు, నరకాసురుడు, మాంత్రికుడు లాంటి ప్రతినాయక పాత్రలనే కాక అనేక సహాయ పాత్రలలో తనదైన ముద్ర వేశాడు. పాతాళ భైరవి, మాయాబజార్, నర్తనశాల ఆయన ప్రముఖ పాత్రలు పోషించిన కొన్ని సినిమాలు. నర్తనశాలలో ఆయన నటనకు గాను భారత రాష్ట్రపతి పురస్కారమే కాక ఇండోనేషియా ఫిల్మ్ ఫెస్టివల్ పురస్కారం కూడా అందుకున్నాడు. విశ్వనట చక్రవర్తి, నట సార్వభౌమ, నటసింహ మొదలైనవి ఆయన బిరుదులు. 
అటువంటి లెజెండరీ యాక్టర్ ని చిరకాలం స్మరించుకునేందుకు పశ్చిమగోదావరి జిల్లా తాడేప‌ల్లి గూడెం ఎస్వీఆర్‌ స‌ర్కిల్, కె.య‌న్.రోడ్‌లో ఈ నెల 25న ఆయన కాంస్య విగ్రహాన్ని ఆవిష్క‌రించ‌నున్నట్టు నిర్వాహ‌కులు ప్ర‌క‌టించిన సంగ‌తి తెలిసిందే. ప్రముఖ సినీనటుడు చిరంజీవి చేతుల మీదుగా విగ్రహావిష్కరణ జరగాల్సి ఉంది. కానీ, కొన్ని అనివార్య కారణాలవల్ల దీనిని వాయిదా వేశామ‌ని నిర్వాహ‌కులు తెలిపారు. ప్రభుత్వం నుంచి ఇంకా అనుమతులు రాలేదని చెప్పారు.త్వరలోనే కొత్త తేదీని ప్రకటిస్తామని వెల్లడించారు.

సంబంధిత వర్గం
అమెజాన్ ప్రైమ్‌లో సైరా నరసింహా రెడ్డి....
అమెజాన్ ప్రైమ్‌లో సైరా నరసింహా రెడ్డి....

Copyright 2018 - 2020 www.telugudaily24.com. All rights reserved.