(Local) Wed, 30 Sep, 2020

సైరా కోసం సౌత్ ఇండియన్ స్టార్స్ వాయిస్ ఓవర్....!

August 19, 2019,   1:01 PM IST
Share on:
సైరా కోసం సౌత్ ఇండియన్ స్టార్స్ వాయిస్ ఓవర్....!

మెగాస్టార్ నటిస్తున్న 151వ సినిమా అత్యంత బారి బడ్జెట్ తో రూపొందడమే కాకుండా, ఈ సినిమాలో బాలీవుడ్, శాండల్ వుడ్,  కోలీవుడ్ అగ్ర తారలు నటించడం, బాలీవుడ్ చారిత్రక కల్పితాలైన 'రాం లీలా' మరియు 'బాజీరావ్ మస్తానీ' లకు పని చేసిన డిజైనర్ అంజు మోదీని ఈ చిత్రంలో దుస్తులను, ఆభరణాలను కూర్చటానికి ఎంపిక చేసుకోవటం ఇలా పలు ప్రత్యేకతలు సంతరించుకుంటూ `సైరా నరసింహారెడ్డి`. బ్రిటీష్ వారి పాలనకు ఎదురు తిరిగిన తొలి స్వాతంత్ర్య యోధుడు ఉయ్యాలవాడ నరసింహారెడ్డి జీవితగాథను ఆధారంగా చేసుకుని ఈ చిత్రాన్ని తెరకెక్కించారు. కాగా ఈ చిత్రానికి తెలుగులో ఉయ్యాలవాడ నరసింహారెడ్డి పాత్రను పరిచయం చేసే క్రమంలో అత్యంత కీలకమైన సన్నివేశంలో పవన్ కళ్యాణ్ వాయిస్ ఓవర్ రాబోతుందని తెలుస్తోంది. దానికితోడు టీజర్ లోనే పవన్ వాయిస్ ఓవర్ వినిపిస్తున్నారు దర్శక నిర్మాతలు. అయితే తెలుగులో పవన్ కి ఉన్న క్రేజ్ దృష్ట్యా పవన్ తో చెప్పించినా, ఈ సినిమా నాలుగు బాషలలో రిలీజ్ కానున్న నేపధ్యంలో ఆ భాషల్లో అక్కడి స్టార్ హీరోల చేత వాయిస్ ఓవర్ చెప్పించారని సమాచారం. కన్నడలో రాక్ స్టార్ యష్ తో, మలయాళంలో మోహన్ లాల్ తో, తమిళంలో రజనీలతో కూడా వాయిస్ ఓవర్ చెప్పించారని సమాచారం. ఈ విషయం మీద అధికారిక ప్రకటన అయితే ఇంకా రాలేదు కానీ, రేపే టీజర్ రానుండడంతో ఆ డౌట్ తీరిపోనుంది. అక్టోబర్ 2న సినిమా విడుదల కానుంది.

సంబంధిత వర్గం
డెంగీతో తెలంగాణ బీజేపీ నాయకుడు మృతి
డెంగీతో తెలంగాణ బీజేపీ నాయకుడు మృతి

Copyright 2018 - 2020 www.telugudaily24.com. All rights reserved.