జనసంద్రమైన సాహో ప్రీ రిలీజ్ ఈవెంట్.....

రోజురోజుకి సాహో జ్వరం వైరల్ గా మారి అభిమానుల గుండెల్లో ఓ ప్రభంజనంగా అవుతోందా అంటే అవుననే చెప్పొవచ్చు. ఈ ప్రభంజనం కేవలం ఒక సినిమాది మాత్రమే అని చెప్పడానికి కూడా వీలు లేదు...ఈ చిత్రంలో నటిస్తున్న రెబల్ స్టార్ ప్రభాస్ కోసం సాహో జ్వరం... రెబల్ స్టార్ ప్రభాస్, శ్రద్ధాకపూర్ జంటగా నటించిన మూవీ సాహో. రన్ రాజా రన్ ఫేం సుజీత్ దర్శకత్వంలో యూవీ క్రియేషన్స్ ఎంతో ప్రతిష్టాత్మకంగా రూపొందించిన ఈ సినిమా ఆగస్ట్ 30న ప్రపంచవ్యాప్తంగా విడుదలకాబోతోంది. ప్రమోషన్స్ లో భాగంగా ఈ సినిమా ప్రీ రిలీజ్ వేడుక రామోజీ ఫిల్మ్ సిటీ వేదికగా జరుగుతోంది. రామోజీ ఫిలింసిటీలో సాహో ప్రీరిలీజ్ ఈవెంట్ అట్టహాసంగా ప్రారంభమైంది. గత కొన్నిరోజుల నుంచే ఈ కార్యక్రమం సందడి మొదలైంది. ప్రీరిలీజ్ ఈవెంట్ కు వేదికగా నిలిచిన రామోజీ ఫిలింసిటీ వెలుపల 60 అడుగుల ప్రభాస్ కటౌట్ ఏర్పాటు చేశారు. అభిమానులు భారీ ఎత్తున తరలిరావడంతో రామోజీ ఫిలింసిటీ జనసంద్రాన్ని తలపిస్తోంది. ప్రభాస్ నామస్మరణతో ఫిలింసిటీ హోరెత్తిపోతోంది.

అయితే ప్రభాస్ ఫ్యాన్స్ అందరూ క్రమశిక్షణగా లేకుండా బారికేడ్లు దాటి సభా వేదిక వైపు దూసుకొచ్చే ప్రయత్నం చేయడంతో వారిని అదుపుచేయడానికి పోలీసుల చాలా శ్రమించాల్సి వచ్చింది. కొందరి మీద లాఠీ ఝులిపించినా కంట్రోల్ కాక పోవడంతో నిర్వాహకుల చేత వార్నింగ్ ఇప్పించారు. అయినా వారు వినకపోవంతో ఒకానొక సందర్భంలో ఇలా చేస్తే ఈవెంట్ కూడా క్యాన్సిల్ చేయాల్సి వస్తుందని హెచ్చరించారు. అయినా అభిమానులు వినకపోవడంతో ఈవెంట్ కొంతసేపు నిలిచిపోయింది. యాంకర్ లు హేమంత్, సుమలు కూడా ఈ విషయం మీద అభిమానులను సైలెంట్ గా ఉండమని కోరినకూడా పెద్దగా ప్రయోజనం లేకుండా పోయింది. ఈ కార్యక్రమానికి హీరో ప్రభాస్, హీరోయిన్ శ్రధ్దా కపూర్, సాహో దర్శకుడు సుజీత్, నటుడు అరుణ్ విజయ్, టాలీవుడ్ అగ్రశ్రేణి దర్శకుడు రాజమౌళి, స్టార్ ప్రొడ్యూసర్ అల్లు అరవింద్, ప్రముఖ నిర్మాత శ్యామ్ ప్రసాద్ రెడ్డి, దర్శకుడు వీవీ వినాయక్ తదితరులు హాజరయ్యారు