పాకిస్తానీ యువతికి ప్రియాంక చోప్రా అదిరిపోయే సమాధానం

లాస్‌ఏంజెల్స్‌లో శనివారం బ్యూటీకాన్‌ అనే ఓ ప్రోగ్రామ్ జరిగింది. ఆ కార్యక్రమానికి గ్లోబల్ స్టార్ ప్రియాంక చోప్రా గెస్ట్‌గా వచ్చింది. ఈ సందర్భంగా అభిమానులు అడిగిన పలు ప్రశ్నలకు ప్రియాంక సమాధానాలు ఇచ్చారు. ఈ నేపథ్యంలో ఓ పాకిస్తానీ యువతి ప్రియాంకతో దురుసుగా మాట్లాడుతూ.. ‘యూనిసెఫ్‌ గుడ్‌విల్‌ అంబాసిడర్‌ అయివుండి మీరు ఇండియన్ ఆర్మీ పాకిస్తాన్ ఎయిర్‌ స్ట్రయిక్స్‌ చేసినప్పుడు మీరు ‘జై హింద్‌’ అంటూ రెచ్చగొట్టే విధంగా ట్వీట్ చేయొచ్చా?.. ఓ పాకిస్తానీ మహిళగా నేను, నా దేశ ప్రజలు మీరు చేసే మంచి పనులకు ఎల్లప్పుడూ మద్దతుగా నిలిచాం. అలాంటిది మీరు పాకిస్తాన్‌పై యుద్ధానికి దారి తీసేలా ట్వీట్ చేయడం సబబేనా?’ అంటూ అరిచింది.

దీనికి ప్రియాంక చోప్రా తనదైన శైలిలో సమాధానం ఇచ్చారు. ‘పాకిస్తాన్ లో నాకు ఎంతోమంది ఫ్రెండ్స్ ఉన్నారు.  నేను ఇండియన్..  నా దేశం పట్ల నాకు గౌరవం ఉంటుంది. నేను రెచ్చకొట్టేలా మాట్లాడలేదు.  నువ్వు నీ దేశం కోసం ఎలా ప్రశ్నిస్తావో.. నేను నాదేశం తరపున అలాగే ఉంటాను. ఇలా మీరు అరవడం వలన ఎవరికీ ఉపయోగం లేదు. అందరిలోనూ పరువు పోగొట్టుకోవడం తప్ప’ అని గట్టిగా సమాధానం ఇచ్చింది.  దీనికి సంబందించిన వీడియో ప్రస్తుతం సోషల్‌ మీడియాలో వైరల్‌ అవుతోంది.