గ్లోబల్ స్టార్ తెలివితేట‌ల‌కి హ్యాట్సాఫ్.....!

గ్లోబల్ నటి ప్రియాంక చోప్రా తెలివి తేటలకు జోహారు చెప్పవల్సిందే. మోస్ట్ ల‌వ‌బుల్‌ క‌పుల్స్‌లో ప్రియాంక చోప్రా, నిక్ జోనాస్ గ‌త ఏడాది వివాహం జరిగిన సంగతి తెలిసిందే. పెళ్లి తర్వాత ఎంతో అన్యోన్యంగా ఉంటూ దాంప‌త్య జీవితాన్ని గడుపుతున్న ఈ జంటను చూసి చాల మంది అభిమానులు ఆనందిస్తున్నారు. సోష‌ల్ మీడియాలో చాలా యాక్టివ్‌గా ఉండే ప్రియాంక చోప్రా త‌న భ‌ర్త‌తో క‌లిసి దిగిన ఫోటోల‌ని సామాజిక మాధ్య‌మాల‌లో ఎక్కువ‌గా షేర్ చేస్తూ ఉంటుంది. తాజాగా ప్రియాంక చోప్రా త‌న క్రియేటివిటీని ఉప‌యోగించి త‌యారు చేసిన ఓ ఫోటో సోష‌ల్ మీడియాలో వైర‌ల్‌గా మారింది. 11 ఏళ్ళ త‌ర్వాత నిక్ జోనాస్ త‌న బ్ర‌ద‌ర్స్ జో, కెవిన్‌తో క‌లిసి ఎంటీవీ వీడియో మ్యూజిక్ అవార్డ్స్‌లో స్పెష‌ల్ పర్‌ఫార్మెన్స్ ఇచ్చారు. నిక్ సోద‌రులు అయిన జో త‌న భార్య సోఫీతో.. కెవిన్ త‌న భార్య డానియెల్ తో క‌లిసి ఈ వేడుక‌కి హాజ‌రు కాగా, వారి ప‌ర్‌ఫార్మెన్స్‌కి అవార్డ్ ద‌క్కింది. నిక్ సొద‌రులు ఇద్ద‌రు త‌మ భార్య‌ల‌కి కిస్సెస్ ఇచ్చి సంతోషాన్ని వ్య‌క్త‌ప‌ర‌చారు. అయితే నిక్ మాత్రం ఒక్క‌డే అలా నిలుచొని చూస్తు ఉన్నాడు. ఈ ఫోటోలు సోష‌ల్ మీడియాలో వైర‌ల్ కావ‌డంతో ప్రియాంక కంట ప‌డ్డాయి. ఒక్క నిమిషం కూడా ఆలోచించని ప్రియాంక‌, త‌న‌ని నిక్ హ‌త్తుకున్న‌ట్టు ఫోటో షాప్ చేసి త‌న పేజ్‌లో షేర్ చేసింది. నేనెప్పుడు నీతోనే ఉంటాను నిక్ జోనాస్ అని ఫోటోకి క్యాప్ష‌న్ ఇచ్చింది. ప్రియాంక తెలివితేట‌ల‌కి నెటిజ‌న్స్ ఆమెపై ప్ర‌శంస‌లు కురిపిస్తున్నారు.