(Local) Sat, 24 Jul, 2021

రోడ్డు ప్రమాదంలో గాయని మృతి....

November 15, 2019,   12:50 PM IST
Share on:
రోడ్డు ప్రమాదంలో గాయని మృతి....

మంగళవారం అర్ధరాత్రి టాలీవుడ్ ప్రముఖ హీరో డా.రాజ శేఖర్ కార్ ప్రమాదం గురయిన సంగతి తెలిసిందే. ఈ రోడ్డు ప్రమాదం మర్చిపోక ముందే మరో రోడ్డు ప్రమాదంలో గాయని చనిపోవడంతో చిత్ర పరిశ్రమ ఉలిక్కి పడింది. మహారాష్ట్రలో జరిగిన రోడ్డు ప్రమాదంలో మరాఠీ ప్లేబ్యాక్ సింగర్ గీతా మాలీ మృతి చెందారు. పోలీసులు తెలిపిన వివరాల ప్రకారం ఈ ప్రమాదం ముంబై-ఆగ్రా హైవేపై చోటుచేసుకుంది. ఇటీవలే యూఎస్ నుంచి వచ్చిన ఆమె తన స్వస్థలమైన నాసిక్‌కు కారులో వెళుతుండగా ఈ ప్రమాదం జరిగింది. గీతా మాలీ ప్రయాణిస్తున్న కారు రోడ్డు పక్కగా నిలిపివుంచిన ట్యాంకర్‌ను ఢీకొంది. ఈ ప్రమాదంలో గీతతో పాటు ఆమె భర్త కూడా తీవ్రగాయాల పాలయ్యారు. వీరిని వెంటనే దగ్గర్లోని షాపూర్ రూరల్ ఆసుపత్రికి తరలించారు. అక్కడ చికిత్స పొందుతూ గీత మృతి చెందారు. ఆమె భర్త విజయ్ మాలి పరిస్థితి విషమంగా ఉందని వైద్యులు తెలిపారు.

ఈ ఘటన జరగడానికి ముందు.. అమెరికా నుండి ఇప్పుడే ల్యాండ్ అయ్యాను.. అంటూ గీత తన సోషల్ మీడియా అకౌంట్‌లో కొన్ని పిక్స్ పోస్ట్ చేశారు.. కాసేపట్లో కలుస్తామనుకున్న తమ బిడ్డ ఇక కనిపించదు అని తెలిసి గీత తల్లిదండ్రులు కన్నీరుమున్నీరవుతున్నారు. కాగా గీత పలు మరాఠీ సినిమాలలో తన పాటలతో ప్రేక్షకులను ఆకట్టుకున్నారు.
 

సంబంధిత వర్గం
కవితతో మహారాష్ట్ర ప్రజలకు వీడ్కోలు పలికిన అమృత ఫడ్ ...
కవితతో మహారాష్ట్ర ప్రజలకు వీడ్కోలు పలికిన అమృత ఫడ్ ...
ఖాకీల మజాకా ..
ఖాకీల మజాకా ..

Copyright 2018 - 2020 www.telugudaily24.com. All rights reserved.