ట్రేండింగ్ లో దూసుకుపోతున్న సూపర్ స్టార్....

శ్రీవెంకటేశ్వర క్రియేషన్స్‌ సమర్పణలో జి.ఎం.బి. ఎంటర్‌టైన్‌మెంట్‌, ఎ.కె.ఎంటర్‌టైన్‌మెంట్స్‌ పతాకాలపై అనిల్ రావిపూడి దర్శకత్వంలో సూపర్ స్టార్ మహేష్ బాబు హీరోగా తెరకెక్కుతున్న చిత్రం  'సరిలేరు నీకెవ్వరు'. సూపర్ స్టార్ మహేష్ బాబు వరుస హిట్ల తో దూసుకుపోతున్న సంగతి తెలిసిందే. భరత్ అనే నేను, మహర్షి సినిమాలు బంపర్ హిట్ తరువాత మహేష్ చేస్తున్న సినిమా "సరిలేరు నీకెవ్వరు". ఈ సినిమా టీజర్ నిన్న సాయంత్రం రిలీజ్ అయ్యింది.  టీజర్ రిలీజైన కాసేపటికి సోషల్ మీడియాలో ట్రెండ్ అయ్యింది.  యూట్యూబ్ లో ట్రెండ్ అవుతూ దూసుకుపోతున్నది. మాస్ క్లాస్ కు నచ్చేలా కట్ చేసిన టీజర్ ప్రతి ఒకరిని ఆకర్షించింది.  దీంతో అతి తక్కువ సమయంలోనే 15 మిలియన్ల వ్యూస్ ను సొంతం చేసుకొని యూట్యూబ్ లో నెంబర్ 1 గా ట్రెండ్ అవుతున్నది. సరిలేరు నీకెవ్వరూ సినిమా వచ్చే నెల జనవరి 11 వ తేదీన రిలీజ్ కు సిద్ధం అవుతున్న సంగతి తెలిసిందే.  అనిల్ సుంకర, ఘట్టమనేని మహేష్ బాబు, దిల్ రాజులు సంయుక్తంగా ఈ సినిమాను నిర్మిస్తున్నారు.  రష్మిక మందన్న హీరోయిన్.  విజయశాంతి కీలక పాత్ర చేస్తున్నది.  అనిల్ రావిపూడి దర్శకత్వం వహిస్తున్నారు. ఈ సినిమాతో వరసగా మూడో హిట్ కొట్టాలని మహేష్ బాబు తహతహలాడుతున్నాడు.