ట్విస్టులే ట్విస్టులు....ప్లీజ్ లీక్ చేయోద్దు

అడవి శేష్ పేరు డిఫరెంట్ గా ఉన్నట్టే ఆయన సెలెక్ట్ చేసుకునే కథలు కూడా విన్నూతంగా ఉంటాయి అనడంలో ఏ మాత్రం అతిశోయక్తి లేదు.  క్షణం, గూఢచారి వంటి అభిరుచి గల కథాంశాల్నిఎంచుకొని చక్కటి విజయాల్ని అందుకున్న‌ అడవి శేష్ మ‌రోసారి థ్రిల్ల‌ర్ క‌థాంశంతో ప్రేక్ష‌కుల‌ని అల‌రించాడు. ఆయన నటించిన 'ఎవరు' ఆగష్టు 15న రిలీజ్ అయిన సంగతి తెలిసిందే. ఈ సినిమా బాక్సాఫీస్ వ‌ద్ద భారీ విజ‌యం సాధించింది. చిత్రంలో కావాల్సినంత ఉత్కంఠతో పాటు కథలోని భావోద్వేగాలు ప్రేక్షకుల్ని మెప్పిస్తాయి. నిజాల్ని తెలుసుకునే ప్రయత్నంలో అబద్దాలు ఎవరిని దోషిగా తేల్చాయన్నది ఆకట్టుకునే అంశంగా మిగిలిపోతుంది. ప్రస్తుతం ఈ చిత్రం బాక్సాఫీస్ వ‌ద్ద స‌క్సెస్ ఫుల్‌గా ర‌న్ అవుతుండ‌గా, కొంద‌రు ఔత్సాహికులు కీల‌క స‌న్నివేశాల‌ని ఫోటోలు లేదా వీడియోల రూపంలో సెల్‌ఫోన్‌లో చిత్రీక‌రించి సోష‌ల్ మీడియాలో పోస్ట్ చేస్తున్నారు. ఇలా చేయ‌డం వ‌ల్ల ఈ  సినిమా చూడ‌ని ప్రేక్ష‌కుడికి అది వేరేలా వెళుతుంది. ద‌య‌చేసి సినిమాకి సంబంధించి ఎలాంటివి సోష‌ల్ మీడియాలో పోస్ట్ చేయోద్ద‌ని అడివి శేష్‌, నవీన్‌ చంద్ర, రెజీనాలు రిక్వెస్ట్ చేశారు. అంతేకాక త‌మ‌కి ఇంత‌టి ఘనవిజయాన్ని అందించిన అభిమానుకుల కృతజ్ఞతలు తెలియజేశారు.