రంగమార్తాండలో బ్రహ్మీ లుక్...

క్రియేటీవ్ డైరెక్టర్ కృష్ణవంశీ దర్శకత్వంలో కమెడియన్ బ్రహ్మానందం గుండెకు హత్తుకునే పాత్రలో కనిపించనున్నారు. మరాఠీలో అఖండ విజయం సాధించిన ‘నటసామ్రాట్’ సినిమాకు రీమేక్ గా తెలుగులో ’రంగమార్తాండ’ పేరుతో తెరకెక్కిస్తున్నారు. ఈ చిత్రంలో నానా పటేకర్ పోషించిన పాత్రకు స్నేహితుడి రోల్‌లో బ్రహ్మానందం కనిపించే అవకాశాలు ఉన్నాయి. ఈ సినిమాలో ప్రకాశ్ రాజ్, రమ్యకృష్ణ కీలక పాత్రలు పోషించగా...బ్రహ్మానందం పాత్ర ప్రతి ఒక్కరి మనస్సును కదిలించేవిధంగా ఉంటుందని దర్శకుడు కృష్ణవంశీ తెలిపారు. నటన నుంచి తప్పుకున్న స్టేజ్ ఆర్టిస్టు విషాదకర జీవితమే ‘రంగమార్తాండ’ సినిమా అని ఆయన వెల్లడించారు. ఈ సినిమాలో ఈ పాత్రలోనే బ్రహ్మానందం నటిస్తున్నారని ఆయన పేర్కొన్నారు. ఇటీవలి కాలంలో కృష్ణవంశీ సరైన విజయాలు సాధించలేదు. ఈ క్రమంలోనే ఈ సినిమాతో హిట్ కొట్టాలన్న పట్టుదలతో ఆయన ఉన్నారు. ‘రంగమార్తాండ’ సినిమాతోనైనా కృష్ణవంశీ విజయం సాధించాలని ఆయన అభిమానులు కోరుకుంటున్నారు.అభిషేక్ జవకర్, మధు కలిపు సంయుక్తంగా నిర్మిస్తున్న సినిమా గురించి డైరక్టర్ సోషల్ మీడియా అకౌంట్ ద్వారా అధికారిక ప్రకటన చేశారు.