(Local) Wed, 21 Oct, 2020

హౌస్ మేట్స్ కి మధుర క్షణాలు గుర్తు చేసిన బిగ్ బాస్

November 01, 2019,   4:44 PM IST
Share on:
హౌస్ మేట్స్ కి  మధుర క్షణాలు గుర్తు చేసిన బిగ్ బాస ...

తెలుగు ప్రేక్షుకులను మురిపించే గేమ్ షో బిగ్ బాస్. నాగార్జున వ్యాఖ్యతగా వ్యవహరిస్తున్న ఈ బిగ్ బాస్ సీజన్ 3 వంద రోజులు పూర్తి చేసుకొని చివరి దశకు చేసురుకుంది.  15 మందితో ప్రారంభమైన బిగ్‌బాస్‌ షోలో మరో రెండు వైల్డ్‌ కార్డులు వచ్చి చేరగా ప్రస్తుతం ఇంట్లో అయిదుగురు మాత్రమే మిగిలారు. బిగ్‌బాస్‌ వందరోజుల ప్రయాణాన్ని ఇంటి సభ్యులకు కళ్లకు కట్టినట్లు చూపించాడు. ఆటుపోట్లు, ఆటపాటలు, గొడవలు, గిల్లికజ్జాలు అన్నింటితో మిళితమైన జర్నీ వీడియోలు చూశాక ఇంటి సభ్యులు తెలీని ఫీలింగ్‌లో ఉండిపోయారు. ఇప్పటికే రాహుల్‌, వరుణ్‌, బాబా తమ జర్నీ చూసి ఎమోషనల్‌ అయ్యారు. తాజా ఎపిసోడ్‌లో శ్రీముఖి, అలీకి బిగ్‌బాస్‌ జర్నీ వీడియోను చూపించాడు. దానికన్నా ముందు వారి ఆటతీరును, సంపాదించుకున్న పేరు ప్రతిష్టలను ప్రస్తావించాడు.
‘శ్రీముఖి బిగ్‌బాస్‌ ఇంట్లో అడుగుపెట్టకముందు తెరపై మాత్రమే చూసి అభిమానులుగా మారారు. కానీ ఈ ప్రయాణం శ్రీముఖిని ప్రతీ ఒక్కరి ఇంట్లో అమ్మాయిగా మార్చింద’ని బిగ్‌బాస్‌ తెలిపాడు. ‘ఎప్పుడూ అల్లరిగా ఆడుతూ పాడుతూ ఉండే శ్రీముఖిని ప్రేక్షకులు ఎక్కువగా ప్రేమించార’ని బిగ్‌బాస్‌ ప్రశంసించాడు. దీంతో శ్రీముఖి ఆనందంతో ఉబ్బితబ్బిబ్బయిపోయింది. జీవితానికి ఇది చాలు అని సంతోషం వ్యక్తం చేసింది. ఎంతో కొంత సాధించానన్న ఫీలింగ్‌ కలిగిందని ఆనందంతో తేలియాడింది. తన జీవితంలోనే ఇవి మధుర క్షణాలు అని పేర్కొంది. అనంతరం అలీ యాక్టివిటీ ఏరియాలోకి వెళ్లాడు. ఆటలో దూకుడు, ప్రతీ టాస్క్‌లో చూపించిన శ్రద్ధే అలీని ఇక్కడివరకు తీసుకువచ్చాయని బిగ్‌బాస్‌ పేర్కొన్నాడు.
‘టాస్క్‌ల్లో ఉత్సాహం వల్ల కొన్నిసార్లు శిక్ష అనుభవించారు. కానీ ప్రేక్షకులు మాత్రం మిమ్మల్ని అభిమానిస్తూ వచ్చారు. మీరు రెండోసారి ఇంట్లోకి వచ్చినపుడు పరిస్థితులు, మనుషులు అన్నీ మారిపోయాయి’ అని చెప్తూ అలీకి జర్నీ వీడియోను చూపించాడు. అతనికి ‘యంగ్‌ స్టార్‌’ అంటూ బిరుదు కూడా ఇచ్చేశాడు. ఎమోషనల్‌ అయిన అలీ.. రీఎంట్రీ అవకాశాన్నిచ్చిన బిగ్‌బాస్‌కు కృతజ్ఞతలు తెలిపాడు. తన జీవితాంతం బిగ్‌బాస్‌ జర్నీ గుర్తుండిపోతుందన్నాడు. అనంతరం ఇంటి సభ్యులకు బిగ్‌బాస్‌ ఓ టాస్క్‌ ఇచ్చాడు. బిగ్‌బాస్‌ సీజన్‌తోపాటు ఇంటి గురించి సైతం యాడ్స్‌ చేయమని ఆదేశించాడు. ఈ టాస్క్‌లో హౌస్‌మేట్స్‌ రెచ్చిపోతూ ప్రేక్షకులను పొట్ట చెక్కలయ్యేలా నవ్వించారు.

సంబంధిత వర్గం
పున్నుని ట్రోల్‌ చేయొద్దు : రాహుల్‌
పున్నుని ట్రోల్‌ చేయొద్దు : రాహుల్‌
అందమైన జ్ఞాపకాలను గుర్తు చేయబోతున్న...బిగ్ బాస్
అందమైన జ్ఞాపకాలను గుర్తు చేయబోతున్న...బిగ్ బాస్

Copyright 2018 - 2020 www.telugudaily24.com. All rights reserved.