(Local) Mon, 13 Jul, 2020

ఆరో వారంలో ఆరుగురు నామినేషన్స్....బిగ్ బాస్

August 27, 2019,   4:31 PM IST
Share on:
ఆరో వారంలో ఆరుగురు నామినేషన్స్....బిగ్ బాస్

రాత్రి అయితే చాలు బుల్లితెర ముందు చాలామందిని కట్టిపడేసే షో బిగ్ బాస్. తెలుగు బిగ్ బాస్ సీజన్ 3 ఆరు వారాలు పూర్తీ కాగా 37 ఎపిసోడ్స్ పూర్తి చేసుకుంది. శని,ఆదివారాలలో షోలో ఎలిమేషన్ ఉన్నప్పటికీ షో సరదాగా సాగడం చూస్తూనే ఉన్నాం. కానీ   సోమవారం వచ్చేసరికి మాత్రం సీరియస్‌గా మారిపోతుంది. దానికి ప్రధాన కారణం నామినేషన్‌ అన్న సంగతి తెలిసిందే. నామినేషన్‌ అనగానే ఇంటి సభ్యుల గుండెల్లో రైళ్లు పరిగెడుతాయి. అందుకోసం వారు చేసే కసరత్తులు మామూలుగా ఉండవు. ఎవరిని నామినేట్‌ చేయాలని సాకు వెతుక్కోవడమే కాదు అసలు తనని ఎవరు, ఎంతమంది నామినేట్‌ చేస్తారో అనే భయం పట్టి పీడిస్తుంది. తీరా నామినేషన్‌కు వచ్చాక సీన్‌ కాస్తా మరింత పెద్దదైపోతుంది. గొడవ జరగకుండా ఇప్పటివరకు ఏ నామినేషన్‌ ఎపిసోడ్‌ పూర్తవకపోవడమే ఇందుకు నిదర్శనం. ఇక  ఊహించని రీతిలో వెన్నుపోటులు కూడా నడుస్తాయి.

బిగ్ బాస్‌లో ఈ వారం నామినేషన్ ప్రక్రియ చాలా వెరైటీగా జరిగింది. మొత్తం 11 మంది ఇంటి సభ్యులలో కెప్టెన్‌గా ఉన్న శివజ్యోతి మినహా మిగతా 10 మందిని ఇద్దరు చొప్పున 5 గ్రూపులుగా విభజించి.. ఇద్దరిద్దర్ని నిలబెట్టి మిగతా ఇంటి సభ్యులను నామినేట్ చేయవలసిందిగా బిగ్‌బాస్ తెలిపారు. ఇలా ఐదు జంటలైన.. రవి-అలీ నుంచి రవి, శ్రీముఖి-హిమజ నుంచి హిమజ, వరుణ్-పునర్నవి నుంచి పునర్నవి, రాహుల్-వితికా నుంచి రాహుల్, బాబా భాస్కర్‌- మహేష్‌‌ నుంచి మహేష్ అత్యధికంగా నామినేట్ అయ్యి ఎలిమినేషన్ లిస్ట్‌లోకి చేరారు. ఇక మిగిలిన ఐదుగురైన శ్రీముఖి, అలీ, బాబా భాస్కర్, వరుణ్, వితికాలలో ఒకర్ని డైరెక్ట్‌గా శివజ్యోతి నామినేట్ చేయాలని ఆజ్ఞాపించారు బిగ్ బాస్. శివజ్యోతి ఈ ఐదుగురిలో వరుణ్‌ను నామినేట్ చేశారు. టోటల్‌గా బిగ్ బాస్ హౌస్‌లో ఈ వారం నామినేట్ అయినవారు ఎవరంటే.. రవి, పునర్నవి, హిమజ, రాహుల్, మహేష్, వరుణ్‌లు ఈవారం ఎలిమినేషన్ లిస్ట్‌లో ఉన్నారు. 

Expression #8 of SELECT list is not in GROUP BY clause and contains nonaggregated column 'teluguda_entlnewsdb2018.c.slug' which is not functionally dependent on columns in GROUP BY clause; this is incompatible with sql_mode=only_full_group_by
సంబంధిత వర్గం

Copyright 2018 - 2020 www.telugudaily24.com. All rights reserved.