సాహో టికెట్స్ రేట్లపై స్పందించిన ఏపీ ప్రభుత్వం....

యంగ్ డైరెక్టర్ సుజీత్ దర్శకత్వంలో యంగ్ రెబెల్ స్టార్ ప్రభాస్ నటించిన సాహో చిత్రం ఆగష్టు 30న ప్రపంచ వ్యాప్తంగా విడుదల కాబోతోంది. దేశం మొత్తం సాహో ఫీవర్ నెలకొంది. మునుపెన్నడూ లేని విధంగా సాహో చిత్రాన్ని అత్యధిక స్క్రీన్స్ లో రిలీజ్ చేస్తున్నారు. ఇదిలా ఉండగా సాహో చిత్ర టికెట్ల ధర పెంపుపై ఏపీ ప్రభుత్వం ఆగ్రహం వ్యక్తం చేసింది. 300 కోట్ల భారీ బడ్జెట్ చిత్రం కావడంతో నిర్మాతలు, డిస్ట్రిబ్యూటర్స్ తెలుగు రాష్ట్రాల్లోని ప్రధాన నగరాల్లో సాహో టికెట్లని నిర్ణీత ధరకంటే ఎక్కువగా విక్రయిస్తున్నారు. ఇది కాస్త హైకోర్టు వరకు చేరింది. హైకోర్టు ఏపీ చీఫ్ సెక్రటరీని దీనిపై విచారణ జరపాలని ఆదేశించింది. తాజాగా ఏపీ ప్రభుత్వం స్పందిస్తూ సాహో చిత్ర నిర్మాతలపై ఆగ్రహం వ్యక్తం చేసింది. ఏపీలో సాహో టికెట్స్ ధర పెంపుకు అనుమతి లేదు. ఎంత భారీ బడ్జెట్ చిత్రం అయినా, ఏ హీరో సినిమా అయినా ప్రభుత్వం దృష్టిలో సమానమే. సాహో చిత్రంపై ఒకలా, మరో సినిమాపై ఒకలా పక్షపాత ధోరణిలో ప్రభుత్వం వ్యవహరించదు. టికెట్ల ధర పెంచడానికి వీల్లేదు అని ప్రభుత్వం తేల్చి చెప్పింది. ఈ శుక్రవారం తెలుగుతో పాటు, హిందీ, తమిళ్, మలయాళం భాషల్లో సాహో గ్రాండ్‌గా విడుదల కానుంది.