ఈ షో ఆడవారికి మాత్రమే....హోస్ట్ గా అలనాటి నటి

బుల్లితెరపై సీరియల్స్, ఫన్నీ షోస్, రియాలిటీ షోస్ లాంటి ఎన్నో ప్రోగ్రామ్స్ వచ్చిన....మకుటం లేని మహారాజుల ఎప్పటికి అందరిని అలరించే ఏకైక షో కేబీసీ. దేశవ్యాప్తంగా మంచి క్రేజ్ సంపాదించుకున్న ఏకైక ప్రోగ్రామ్‌ కౌన్‌ బనేగా కరోడ్‌పతి. వివిధ భాషల్లో ఈ ప్రోగ్రామ్ నిర్వహిస్తున్నా సంగతి తెలిసిందే.  అగ్రనటులు వీటికి హోస్ట్‌గా ఉండటంతో మరింత ప్రాచుర్యం సంతరించుకుంది. హిందీ వర్షన్‌‌లో బాలీవుడ్ సూపర్ స్టార్ అమితాబ్ బచ్చన్ హోస్ట్‌గా ఉన్నారు. గ్రాండ్ సక్సెస్‌గా ఈ ప్రోగ్రామ్ సాగుతూనే ఉంది. అయితే తాజాగా కౌన్‌ బనేగా కరోడ్‌పతిలోకి మొట్టమొదటిసారి మహిళా హోస్ట్ ఎంట్రీ ఇవ్వబోతున్నారు. ఆమె ఎవరో కాదు సీనియర్ నటి రాధికా శరత్ బుల్లితెరపై హోస్ట్‌గా పనిచేయనున్నారు. కేబీసీ తమిళ వెర్షన్‌కు ఆమె హోస్ట్‌గా ఉండనున్నారు. ఇక్కడ మరో విశేషం ఏంటంటే ఈ కాంటెస్టులో పాల్గొనే వారు కూడా మహిళలే కావడం గమనార్హం. మొత్తం మహిళలకే ఈ సీజన్ అవకాశం కల్పించారు. దీనిపై పలువురు ప్రశంసలు కురిపిస్తున్నారు. తాజాగా దీనిపై అమితాబచ్చన్ కూడా స్పంధించారు. తొలిసారి కౌన్ బనేగా కరోడ్‌పతికి మహిళా హోస్ట్ రావడం అభినందనీయం అని వ్యాఖ్యానించారు. ఆమెను అభినందిస్తూ ఆల్ ది బెస్ట్ చెప్పారు. అత్యంత ఉత్సాహపూరితమైన అంశమని పేర్కొన్నారు.