ట్రేండింగ్ లో ‘రాములో రాముల’ సాంగ్

హారిక అండ్ హాసిని క్రియేషన్స్ పతాకంపై స్టైలిష్ స్టార్ అల్లు అర్జున హీరోగా, మాటల మాంత్రికుడు త్రివిక్రమ్ దర్శకత్వంలో రూపొందుతున్న ‘అల వైకుంఠపురంలో’. ఈ సినిమాలో అల్లు అర్జున సరసన పూజ హెగ్డే హీరోయిన్ గా నటిస్తుండగా సెకండ్ హీరోయిన్ గా నివేథ పేతురాజ్ నటిస్తోంది. ఈ సినిమా ప్రస్తుతం షూటింగ్ పూర్తి చేసుకుని రిలీజ్‌కు సిద్దమవుతోంది. దీంతో చిత్ర బృందం ప్రమోషన్‌ కార్యక్రమాలను వేగవంతం చేసింది. అందులో భాగంగా ఆ మధ్య విడుదలైన 'సామజవరగమన' పాట సంచలనంగా మారిన సంగతి తెలిసిందే. ఈ 'సామజవరగమన' పాట యూట్యూబ్ లో ఏకంగా 50 మిలియన్ వ్యూస్ ను సొంతం చేసుకుంది. ఆ పాట తర్వాత ఈ మూవీ నుండి  దీపావళి కానుకగా మరో సాంగ్‌ 'రాములో రాములా' ఇటీవలే విడుదలైంది. ‘సామజవరగమన’ క్లాస్ సాంగ్ అయితే ‘రాములో రాముల’ పక్కా మాస్ పార్టీ సాంగ్. అందుకే చాలా త్వరగా జనానికి కనెక్ట్ అయిపోయింది.

ఈ పాటలో స్పెషల్ సర్ ప్రైజ్ గా అల్లు అర్జున్ వాయిస్ ఓవర్ కూడా ఉంది.  కాసర్ల శ్యామ్ ర‌చించిన ఈ గీతాన్ని అనురాగ్ కుల‌క‌ర్ణి, మంగ్లీ ఆల‌పించారు. థ‌మ‌న్ స్వ‌రాలు స‌మ‌కూర్చారు. ఈ పాట యూట్యూబ్‌ని షేక్ చేస్తుంది. మాంచి మాస్ బీట్‌తో వచ్చిన ఈ సాంగ్.. 24 గంటల్లో అత్యధిక వ్యూస్ దక్కిన పాటగా నిలిచింది. ఈ సాంగ్‌ కేవలం 24 గంటల్లో 10 మిలియన్ వ్యూస్‌తో సౌత్ ఇండియా పరంగా రికార్డ్ సృష్టించింది. 'అల వైకుంఠపురములో'.. ఈ సినిమాలో ప్రముఖ హీరోయిన్ టబు కీలక పాత్ర పోషిస్తున్నారు. వచ్చే ఏడాది సంక్రాంతికి వస్తోన్న ఈ సినిమా  జనవరి 12న ప్రపంచ వ్యాప్తంగా విడుదలకు సిద్దమవుతోంది.