రెండవ షెడ్యూల్ లో ‘మైదాన్‌’.

జీ స్టూడియోస్‌తో కలిసి బోనీ కపూర్‌ నిర్మాణంలో ‘బదాయి హో’ ఫేమ్‌ అమిత్‌ రవీంద్రనాధ్ డైరెక్షన్ లో ప్రముఖ భారతీయ ఫుట్‌బాల్ కోచ్ సయ్యద్ అబ్దుల్ రహీమ్ జీవితంపై తెరకెక్కుతున్న బయోపిక్‌ ‘మైదాన్‌’ లో అజయ్‌ దేవగన్ నటిస్తున్న సంగతి తెలిసిందే. ఈ మూవీలో అజయ్‌ దేవగన్ సరసన నటించే ఛాన్స్‌ మహానటి 'కీర్తి సురేష్' కు దక్కింది. అజయ్‌ దేవగన్, కీర్తీ సురేష్‌లపై కీలక సన్నివేశాలను చిత్రకరించి రీసెంట్‌గా ముంబై షెడ్యూల్‌ కంప్లీట్ చేసుకున్నారు చిత్ర యూనిట్. తర్వాతి షెడ్యూల్‌ కోల్‌కతాలో నవంబరు 3 నుంచి ప్రారంభం కానుందని యూనిట్ సోషల్ మీడియా ద్వారా వెల్లడించింది. ముంబై మైదానంలో మ్యాచ్‌ ముగించిన అజయ్‌.. కోల్‌కతాలో జరగనున్న తర్వాతి మ్యాచ్‌ కోసం రెడీ అవుతున్నారు. 1950 నుంచి 1963 వరకు భారత ఫుట్ టీమ్ మేనేజర్‌గా మన దేశానికి ఎన్నో పతకాలు వచ్చేలా క్రీడాకారులను తీర్చిదిద్దిన సయ్యద్ అబ్దుల్ రహీమ్ పాత్రను 'అజయ్‌ దేవగన్' ఎలా నటించారో చూడాలంటే వచ్చే ఏడాది వరకు ఎందురుచూడవలసి ఉంటుంది.