ప్రతి మంగళవారం " కాఫీ టూగెదర్ "కార్యక్రమం

ఏపీ సీఎం జగన్ మరో కొత్త కార్యక్రమానికి శ్రీకారం చుట్టారు. ఇక పై ప్రతి మంగళవారం కలెక్టర్లు,ఎస్పీలు కలుసుకునే కార్యక్రమానికి “కాఫీ టూ గెదర్” గా పేరు పెట్టారు. దీని ద్వారా భూ వివాదాల పై చర్చించుకోవాలని తెలిపారు. మంగళవారం స్పందన కార్యక్రమం పై జగన్ సమీక్షించారు.  ఇళ్ల స్థలాలకు సంబంధించి ఎక్కువ వినతులు వస్తున్నాయని,వీటికి సంబంధించి రసీదు ఇస్తున్న పద్దతిలో మరింత మార్పు రావలన్నారు.  ఇష్టానుసారం వినతులు తిరస్కరించొద్దని, ఇల్లు, స్థలం లేని ప్రతి ఒక్కరికీ ఉగాది నాటికి కచ్చితంగా ఇంటి స్థలం ఇవ్వాల్సిందేనని చెప్పారు. ఇందుకు సంబంధించి ఒక ప్రొఫార్మా పంపుతున్నామని ముఖ్యమంత్రి పేర్కొన్నారు. ప్రతి మంగళవారం జిల్లా కలెక్టర్, ఎస్పీలు కాఫీ టుగెదర్‌ కార్యక్రమంలో కలుసుకుని భూ వివాదాలపై చర్చించుకోవాలని చెప్పారు.  భూవివాదాలకు సంబంధించిన జాబితాను ఇద్దరూ ఇచ్చిపుచ్చుకోవాలన్నారు.